唇膏試用分享！Bobbi Brown + Shu Uemura
很久沒寫beauty blog，今日update 一下！近來喜歡玩唇膏！上星期試了兩款。
上星期學校Reading Week （按：本人去英國讀書一年）多了時間留在家中，也因為上週末要去朋友的婚禮，所以決定先在家試試這盒色調較深的Bobbi Brown Greige Eye Palette 啡色系眼影及紫紅唇膏，試試可以怎樣襯色。
紫紅色唇膏（#hot berry OE) 其實只有少少紫，十分容易carry，通常用sharp 色唇膏我都會放棄胭脂，以免個妝太over。最後用bronzer 打返少少陰影就完成！
八色眼影入面用咗五色化眼妝，由於我平日多畫內眼線，條眼線一畫返出嚟，對眼就即刻精神晒。個人認為下次可以再重手少少啡色同埋眼頭的啡金色。
其實我用來用去都是啡色palette，開完一盒又一盒，用得最多的都是Bobbi Brown，因為色調自然又易上色，今次這盒秋冬感覺重一點，十分適合倫敦現在只有十幾度的天氣，再襯秋冬大熱的紫紅色唇膏，化完應該似返個女仔。
試完Bobbi Brown 之後兩日，又試了這支Shu Uemura Rouge Unlimited Sheer Shine 珊瑚色S CR 350，其實我覺得是桃紅色與粉紅色中間，幾潤又易上色，新手塗sharp 色唇膏都可以塗得好！
就是因為這日塗了唇膏，所以被人讚精神，顏色易襯，化個淡妝都襯到（今日只是畫了眉加mascara）。由於要襯淡妝，所以只用手指輕印唇膏上咀唇，感覺較soft 也較自然。